Talaban Xose Antonio Kast CHilide ótkerilgen prezidentlik saylawda jeńip shıǵıp, házirgi waqıtta húkim súrip atırǵan oraylıq shep húkimetti “tań qaldırdı,” dep jazbaqta “Al Jazeera” basılımı.

Atap ótiliwinshe, bul saylawdıń ekinshi turında Kast 58 procent dawıs alǵan. Onıń tiykarǵı qarsılası úlke miynet hám sociallıq qorǵaw ministri lawazımında islegen Kommunistlik partiya aǵzası Janet Xara bolsa 41,70 procent saylawshınıń qollap-quwatlawına iye bolǵan.
Saylaw byulletenleri esaplap shıǵılǵanınan kóp ótpey, Xara hám onıń “CHili ushın birlik” koaliciyası jeńilgenin tán aldı.
Kast saylawaldı kampaniyasında mámlekettegi 300 mıńnan aslam nızamsız migrantlardı shıǵarıp jiberiw, CHiliniń arqa shegarasın jańa tosqınlıqlar menen bekkemlew hám ishki qáwipsizlikte armiyanıń rolin keńeytiwdi wáde etken. Sonıń menen birge, ol dáslepki 18 ay ishinde mámleketlik qárejetlerdi 6 milliard dollarǵa qısqartıwdı atap ótken.
– Bul jeke jetiskenlik te, partiya jetiskenligi de emes, bul demokratiyanıń jeńisi, – dedi Kast óziniń shıǵıp sóylegen sózinde.

W.Alimov, ÓzA