Ózbekstan Respublikası Prezidentiniń 2023-jıl 25-dekabrdegi “2024-2026-jıllarda Sociallıq óndirislik infrastrukturanı rawajlandırıw ilajları haqqında”ǵı qararı menen tastıyıqlanǵan Nókis Olimpiyada hám paralimpiyada sport túrlerine tayarlaw orayında jańadan qurılǵan sport zalı, asxana hám rekonstrukciyadan shıqqan jataqxanalardıń ashılıw máresimi bolıp ótti.

Onda Qaraqalpaqstan Respublikası Ministrler Keńesi Baslıǵınıń orınbasarı Bayram Ótemuratov, Qaraqalpaqstan Respublikası Sport ministri Erkinbay Qutıbaev hám sport veteranları, keń jámiyetshilik wákilleri qatnastı.
Qızıl lenta kesilip, qatnasıwshılar bul jerde jaratılǵan sharayatlar menen tanıstı hám ilajda shıǵıp sóylegenler jańadan paydalanıwǵa tapsırılıp atırǵan sport zalınıń ashılıwı menen sportshılardı qızǵın qutlıqlap, bul jerde Aziya, Jáhán hám Olimpiada chempionları jetilisip shıǵıwına tileklesligin bildirdi.

Qaraqalpaqstan xabar agentligi