Ózbekstan Respublikası Prezidenti Sh.Mirziyoevtiń “Jańa Ózbekstan” gazetasınıń 13-noyabr kúngi 234-sanında “Oraylıq Aziya jańa dáwir bosaǵasında” atamasındaǵı maqalası basıp shıǵarılǵan edi.

“Aymaqlıq elektr tarmaqları” AJ Qaraqalpaqstan aymaqlıq filialında mámleketimiz basshısınıń bul maqalada bildirgen pikirlerin xızmetkerler arasında úgit-násiyatlawǵa baǵıshlanǵan májilis bolıp ótti.
Onda filialdıń kásiplik awqamı komitetiniń baslıǵı V.Stacenko, filialdıń jetekshi yuristi Sh.Daniyarovalar Mámleketimiz basshısınıń “Oraylıq Aziya jańa dáwir bosaǵasında” atamasındaǵı maqalasında keltirilgen áhmiyetli táreplerge toqtap ótip, regionallıq birge islesiw, qáwipsizlik, ishki regionallıq sawdanı rawajlandırıw, gumanitarlıq birge islesiw, sırtqı siyasat, suw resurslarınan aqılǵa uǵras paydalanıw, transport logistikasın rawajlandırıw, ekologiyalıq mashqalalar, jasıl ekonomika sıyaqlı máseleler búgingi kúnde birgelikte sheshilip atırǵanın atap ótti.
Májiliste qatnasıwshılar maqalada keltirilgen máseleler boyınsha pikirlerin bildirip, qızıqtırǵan sorawlarına juwap aldı.

Qaraqalpaqstan xabar agentligi