Huqıqıy qatnas

Bizge belgili, Ózbekstan Respublikası Puqaralıq kodeksiniń 502-statyasına muwapıq, sawǵa shártnaması – bul bir tárep (sawǵa etiwshi) ekinshi tárepke (sawǵa alıwshı) zattı biypul múlk etip beriw yamasa beriw minnetlemesin alatuǵın kelisim.
Sawǵa shártnaması haqqında Tashkent mámleketlik yuridikalıq universiteti Yuridikalıq klinikasınıń xızmetkeri Imomali Tuev tómendegilerdi málim etti:
– Sawǵa shártnamasın notarial uyımda rásmiylestiriw ushın sawǵa etiwshi hám sawǵa alıwshınıń pasportı yamasa ID-karta usınıladı.
Sonday-aq, sawǵa etilip atırǵan múlkti tastıyıqlawshı múlk huqıqı gúwalıǵı yamasa kadastr hújjeti, Kadastr maǵlıwmatnaması (kóshpes múlk ushın), zárúr bolsa zayıbınıń yamasa birgeliktegi múlk iyeleriniń razılıǵı haqqındaǵı hújjet kerek boladı.
Qáwenderlik hám qayırqomlıq uyımınıń razılıǵı (eger ámeliy qábileti sheklengen shaxs qatnassa), eger kelisim wákil arqalı ámelge asırılsa, isenim xatın usınıw kerek boladı.
Sawǵa shártnaması biypul tiykarda dúziledi. Eger zat yamasa huqıq ornına qanday da bir tólem yamasa zat alınatuǵın bolsa – bul kelisim sawǵa dep tán alınbaydı.
Tiykar: Ózbekstan Respublikası Puqaralıq kodeksi, 31-bap, 502-516-statyalar. Ózbekstan Respublikası “Notariat haqqında”ǵı Nızamı, 343-I (26.12.1996-jıl). Ózbekstan Respublikası Ministrler Kabinetiniń 2019-jıl 4-yanvardaǵı 3113-sanlı qararı – “Notarial háreketlerdi ámelge asırıw tártibi haqqındaǵı Reje”.

Gulnoza Boboeva, ÓzA