Paragvay Respublikası Prezidenti Santyago Penya rásmiy sapar menen mámleketimizde bolıp tur.

Joqarı mártebeli miyman 12-dekabr kúni “Jańa Ózbekstan” parkine barıp, Ǵárezsizlik monumentine gúl qoydı.
Ullı hám iygilikli maqsetler jolında iygilikli isleri menen elimiz tariyxında óshpes iz qaldırǵan ata-babalarımızdıń tulǵasına búgin dúnya xalqı húrmet kórsetpekte.
Mámleketimizdiń ótmishi hám keleshegine isenim tımsalı bolǵan Ǵárezsizlik monumenti usı jerde mánawiyattıń gúltajı bolǵan kamal iyeleri jetilisip shıqqanınan derek berip tur.
Paragvay Prezidenti Santyago Penya Ǵárezsizlik monumentine gúl qoyıp, Watan azatlıǵı, el abadanlıǵınıń ayqın kórinisi sıpatında maqtanıshlı boy tiklegen kompleks aldında bas iyip húrmet kórsetti.
Elimiz tariyxı, dúnya civilizaciyasına úles qosqan ata-babalarımızdıń aǵartıwshılıǵı haqqında maǵlıwmatlarǵa iye boldı.
Máresimde Ózbekstan Respublikası investiciyalar, sanaat hám sawda ministri Laziz Qudratov hám basqa da rásmiyler qatnastı.

Marhabo HOJIAKBAROVA,
Nosirjon HAYDAROV (súwret),
ÓzA