“Awıl xojalıǵı xızmetkerleri kúni” múnásibeti menen rayonlarda zúráát bayramı ilajları bolıp ótpekte.
Shomanay rayonında da rayon orayında jaylasqan payızlı orınlardıń birinde “Awıl xojalıǵı xızmetkerleri kúni” múnásibeti menen zúráát bayramı ótkerildi.

Oǵan, rayon hákimi A.Ametov, Ózbekstan fermerler keńesi baslıǵınıń orınbasarı M.Muhammeddinov, rayon prokurorı M.Matchanov, Mámleketlik qáwipsizlik xızmeti Shomanay rayonlıq bólimshesiniń hám Ishki isler bóliminiń basshıları, hákim orınbasarları, tarawǵa tiyisli mákeme, karxana basshıları hám fermerler qatnastı.
Ilajda aldıńǵı fermerler menen diyqanlardıń elimiz qırmanına qosqan úlesi atap ótilip, múnásip bahalandı.
Bayram keshesi dawamında rayonda tarawdıń rawajlanıwına múnásip úles qosqan bir qatar fermerler menen diyqanlar Ózbekstan Fermerler Keńesiniń “Ilǵor fermer” kókirek belgisi hám estelik sawǵaları menen sıylıqlandı.
Bayram keshesi qaraqalpaq estrada juldızları atqarıwındaǵı koncert baǵdarlaması menen dawam etti.

Qaraqalpaqstan xabar agentligi