Paragvay Respublikası Prezidenti Santyago Penya 11-dekabr kúni rásmiy sapar menen mámleketimizge keldi.

Joqarı mártebeli miymandı “Tashkent-Xumo” xalıqaralıq aeroportında Ózbekstan Respublikası Bas ministriniń orınbasarı Jamshid Qwchqorov hám basqa da rásmiyler kútip aldı.
Tashkent qalasında bolıp ótetuǵın joqarı dárejedegi sóylesiwlerde Ózbekstan menen Paragvay arasında siyasiy, sawda-ekonomikalıq, mádeniy hám gumanitarlıq tarawlardaǵı birge islesiwdi rawajlandırıw perspektivaları dodalanıwı rejelestirilgen.
Sonıń ishinde, awıl xojalıǵı, azıq-awqat hám ximiya sanaatı, sanlastırıw, turizm hám sport tarawlarında ámeliy sheriklikti ornatıwǵa ayrıqsha itibar qaratıladı.
Paragvay jetekshisi, sonday-aq, Xalıqaralıq avtomobil federaciyası Bas assambleyasında hám federaciya qáwenderliginde ótkeriletuǵın jarıslardıń jeńimpazların sıylıqlaw máresiminde qatnasadı.

ÓzA