Ózbekstan Respublikası Bas ministriniń orınbasarı – ekonomika hám qarjı ministri Jamshid Qwchqorov hám Evropa tikleniw hám rawajlanıw bankiniń (ETRB) qarjı institutları boyınsha basqarıwshı direktorı Fransis Malij arasında ushırasıw ótkerildi.

Ushırasıwda tárepler óz-ara paydalı birge islesiw, ámelge asırılıp atırǵan joybarlar hám keleshektegi rejelerdi dodaladı. Sonday-aq, mámleket qatnasıwındaǵı banklerdi menshiklestiriw hám transformaciya processleri de tolıq kórip shıǵıldı.
Sóylesiw dawamında ekonomikanıń turaqlı ósiwi, makroekonomikalıq kórsetkishler hám alıp barılıp atırǵan sociallıq-ekonomikalıq hám finanslıq reformalardıń nátiyjeliligi haqqında pikir alısıldı.
Ministrlik málimleme xızmetiniń xabarına bola, sóylesiwler juwmaǵında tárepler birge islesiwdi rawajlandırıw hám pikir alısıw processlerin keńeytiwge kelisip aldı.

N.Ziyodellaeva, ÓzA