Senattıń Qorǵanıw hám qáwipsizlik máseleleri komiteti jáne Sud-huqıq máseleleri hám korrupciyaǵa qarsı gúresiw komitetiniń qospa májilisinde “2026-jıl ushın Ózbekstan Respublikasınıń mámleketlik byudjeti haqqında”ǵı nızam kórip shıǵıldı.

Májiliste 2026-jılı mámleketlik byudjette sud-huqıq jumısı hám korrupciyanıń aldın alıw ushın 5,7 trillion sum názerde tutılıp atırǵanı atap ótildi.
2026-jılı korrupciyanıń aldın alıwǵa qaratılǵan áhmiyetli preventiv mexanizmlerdi bunnan bılay da jetilistiriw, mámleketlik basqarıwda byurokratiyanı azaytıw, ashıq-aydınlıqtı támiyinlew, mámleketlik xızmetler kórsetiwdiń sapasın jaqsılaw, sanlastırıw arqalı insan faktorın azaytıw baǵdarında názerde tutılǵan qarjılar hám olardıń nátiyjeliligine ayrıqsha itibar qaratıldı.
Óz gezeginde, 2026-jılı birinshi dárejeli byudjet qarjıların bólistiriwshilerge ajıratılǵan qarjılardıń muǵdarı, qárejet baǵdarları hám byudjetten ajıratılǵan transfertlerdiń jumsalıwınıń nátiyjeliligi hám maqsetke muwapıqlıǵına erisiw boyınsha usınıslar berildi.
Dodalaw juwmaǵında komitetlerdiń birgeliktegi qararı qabıl etildi.

N.Abduraimova, ÓzA