Tashkent qalasındaǵı Olimpiada qalashasında jaylasqan jeke gúres sport túrlerine qánigelestirilgen sport kompleksinde milliy gúres boyınsha mámleketlik uyımlar, mákemeler hám shólkemlerdiń xızmetkerleri arasında «Ózbek palwanı» respublikalıq jarısı bolıp ótti.

Bul jarısqa respublikamız palwanları da qatnasıp, jeńimpazlıq ushın keskin gúres júrgizdi hám sıylı orınlardı iyelewge miyasar boldı.
Atap aytqanda, 78 kg salmaqta Biybiasiya Ájimuratova qola medalın jeńip alǵan bolsa, eń awır +78 kg salmaqta Juldız Tólepova finalǵa shekem jetip kelip, gúmis medal iyesine aylandı.
Jeńimpaz palwanlarımızdı bul jarısqa trenerlerden Nókisbay Daniyarov hám Jamshid Turabaevlar tayarladı.

Adilbay Orazov,
Qaraqalpaqstan xabar agentligi sholıwshısı