Taqıyatas rayonındaǵı 7-sanlı balalar muzıka hám kórkem óner mektebinde Ózbekstan Respublikası Konstituciyası qabıl etilgenliginiń 33 jıllıǵı múnásibeti menen bayram ilajı bolıp ótti.

Onda rayon hákiminiń birinshi orınbasarı S. Allambergenov hám rayon prokurorı A. Qıpshaqbaev shıǵıp sóylep, jıynalǵanlardı bas nızamımız bolǵan konstituciya qabıl etilgenliginiń 33 jıllıǵı menen qızǵın qutlıqladı.
Ilajda rawajlanıwdıń jańa basqıshına qádem qoyǵan mámleketimizdiń jańalanǵan Konstituciyası barlıq tarawlardaǵı reformalardı ámelge asırıwda, elimizdiń búgingi joqarı rawajlanıwın támiyinlewde áhmiyetli hújjetke aynalǵanlıǵı atap ótildi.
Bayram mádeniyat hám kórkem óner tarawı xızmetkerleriniń koncert baǵdarlaması menen dawam etti.

Qaraqalpaqstan xabar agentligi