Bozataw rayonı Mámleketlik xızmetler orayı imaratında “Zorlıqqa qarsı 16 kún” akciyası sheńberinde “Biz zorlıqqa qarsımız!” atamasında úgit-násiyat ilajı shólkemlestirildi.

Ilajǵa rayonlıq Ishki isler bóliminiń hayal-qızlar máseleleri boyınsha aǵa inspektorı R.Alimova, rayonlıq “Insan” sociallıq xızmetler orayı xızmetkerleri qatnasıp, hayal-qızlardıń huqıqıy mádeniyatın arttırıw, zorlıqtıń hár qanday kórinisiniń aldın alıw hám shańaraqlarda salamat ruwxıy ortalıqtı qáliplestiriw boyınsha túsindiriw jumısların alıp bardı.
Sonday-aq, ótkerilgen ilaj dawamında qatnasıwshılarǵa basım hám zorlıqtıń aldın alıw, onıń aqıbetleri, qorǵanıw orderin alıw tártibi, mashqalalı jaǵdaylar júzege kelgende qaysı shólkemlerge múrájat etiw múmkin ekenligi haqqında keń túrde maǵlıwmatlar berildi.
Óz gezeginde aymaq hayal-qızları tárepinen qánigelerge sorawlar berip, olarǵa tiyisli juwaplar aldı.

Adilbay Orazov,
Qaraqalpaqstan xabar agentligi sholıwshısı