AQSh mámleketlik xatkeri Marko Rubio Vashington diniy erkinlikke qarsı qaratılǵan jınayatlar hám huqıqbuzarlıqlarǵa baylanıslı shaxslarǵa vizalar beriwdi shekleytuǵının málim etti. Ol bul haqqında X (Twitter) sociallıq tarmaǵında jazdı.

– AQSh Nigeriyada hám pútkil dúnya boylap xristianlarǵa qarata islenip atırǵan jawızlıqlar hám zorlıqlarǵa qatań juwap ilajların kórmekte. Mámleketlik departament diniy erkinlikke qarsı jınayatlardı bilqastan basqaratuǵın, jol qoyatuǵın, qarjılandıratuǵın, qollap-quwatlaytuǵın yamasa ámelge asıratuǵın shaxslarǵa viza beriwdi shekleydi, – dep jazǵan Rubio.
Bul sheklewler birinshi gezekte Nigeriyaǵa qaratılǵan bolsa da, olar dúnyanıń qálegen mámleketine tiyisli bolǵan shaxslarǵa da ámel etedi.
Noyabr ayında AQSh prezidenti Donald Tramp Nigeriyada xristianlardı qorǵaw maqsetinde Pentagonga itimallı kúsh qollanıw ilajların tayarlaw boyınsha tapsırma bergen edi.

Qaraqalpaqstan xabar agentligi