Prezident Shavkat Mirziyoevtiń qatnasıwında Xalıq deputatları Sırdárya wálayatı Keńesiniń gezeksiz sessiyası bolıp ótpekte.

– “Insan qádiri ushın” degen iygilikli ideya tiykarında ámelge asırıp atırǵan reformalarımızdıń nátiyjesi barlıq wálayatlar qatarında Sırdáryadaǵı úlken ózgerislerde de ayqın kórinbekte.
Aldın tiykarınan awıl xojalıǵına baylanıslı bolıp qalǵan bul jerde sanaat, servis, turizm joqtan bar boldı, biznes ortalıǵı jaqsılanıp, aldınǵı isbilermenler klası qáliplesti, -dedi mámleketimiz basshısı.
Segiz jılda Sırdáryaǵa 4 milliard dollar investiciya kirgizildi. Bul dáwirde 187 iri quwatlıqlar iske qosıldı, 120 mıń jumıs ornı jaratıldı. 50 ge shamalas jańa ónim islep shıǵarıw jolǵa qoyılıp, sanaat 4 trillion sumnan 25 trillion sumǵa jetti.
Mıńlaǵan sawda-servis obektleriniń shólkemlestirilgeni nátiyjesinde xızmetler kólemi 1,5 trillion sumnan 12 trillion sumǵa arttı.
Aldın dotaciyalı bolǵan Gúlistan, Yangier qalaları, Boyovut, Mırzabad, Sayxunabad, Sırdárya hám Xovos rayonları qárejetti ózi qaplawǵa ótti.

ÓzA