3-dekabr – Xalıqaralıq mayıplar kúni múnásibeti menen Shımbay rayonındaǵı mayıplıǵı bolǵan er adamlar “Múriwbet” internat úyinde de bayram ilajı ótkerildi.

Ilajda bajıxana uyımları xızmetkerleri qatnasıp, ol jerde tárbiyalanıp atırǵan adamlar menen sáwbetlesti.
Bunnan soń bajıxana xızmetkerleri tárepinen internattaǵı tárbiyalanıwshılarǵa estelik sawǵaları tapsırılıp, ilaj koncert baǵdarlaması menen dawam etti.
Álbette, elimiz boylap ámelge asırılıp atırǵan bunday ilajlar kemkewil insanlarǵa bolǵan itibar, mehir-múriwbet, adamgershilik hám jámiyette olardıń múnásip ornın támiyinlewge qaratılǵan ámeliy jumıslardıń nátiyjesi ekenligi menen áhmiyetli bolıp esaplanadı.

Qaraqalpaqstan xabar agentligi