Búgingi kúnde transport quralları turmısımızdıń ajıralmas bólegine aylanıp úlgerdi. Kimdur jeke avtomobilinen turaqlı paydalansa, jáne kimdur taksi xızmetlerinen paydalanıwdı abzal kóredi. Biraq, atap ótiw orınlı, ekewinde de qáwipsizlikke ámel etiw talap etiledi.

Kúndelikli turmısta hár birimiz bir wálayattan ekinshi wálayatqa barıp keliwimizge tuwra keledi. Áyne usı processte joqarıda atap ótilgen qáwipsizlik máselesi júzege keledi.
Onda aydawshı hám jolawshılarǵa bir qansha usınıslar bar.
Túnde jolǵa shıqpaw, tez aydaw hám oǵan shaqırmaw, hawa temperaturası keskin tómenlegende jolǵa shıqpaw, ásirese, dumanlı hawa-rayı qáwpi bolsa, háreketti toqtatıw.
Usı sıyaqlı jáne bir qansha jaǵdaylar bar, insan ómiri ushın qáwipli. Gúze kúnde emes, kúninde sınadı, degenindey aldımızdan keletuǵın qáwipti hesh birimiz bilmeymiz. Biraq abaylı bolıw paydadan jıraq emes.
– Úsh jıldan berli Samarqand – Tashkent jónelisinde aydawshılıq etemen. Sonday jaǵdaylar bolǵan, pútkil ómirim bir dem kóz aldımnan ótken, – deydi Samarqand wálayatı Kattaqorǵan rayonında jasawshı Umarbek atlı aydawshı. – Usı jıldıń 22-noyabr kúni átiraptı oǵada kúshli duman qapladı. Kóriw hám háreketleniw imkaniyatı derlik joq. Sol waqıtta 30 ǵa shamalas mashina bir-biriniń izinen barıp urılǵan. Quwanıshlısı, hesh kimge zıyan jetpegen. Húrmetli jolawshılar, ózińiz hám jaqınlarıńız táǵdirine biypárwa bolmań. Sebebi, búgingi kúnniń saqlıǵı erteńgi kúnniń qáwpinen saqlaydı.
Haqıyqatında da, táwip táwip emes, basınan ótkergen táwip degendey, bul aydawshınıń bul tiykarlı pikirlerine qosılmawdıń ilajı joq. Sebebi, túsindiriw túsingennin wazıypası.

Sherbek Islomov, ÓzA