Hámmemizdi táshwishke salıp atırǵan mashqalanı tereńirek úyreniw maqsetinde búgin men de olarǵa sherik boldım. Biz Qıbray rayonındaǵı ıssıxanalardan birine bardıq. Málim etiliwinshe, bul ıssıxanada kúnine 150 kilogramǵa shamalas kómir jaǵıladı eken. Álbette, bul qorshaǵan ortalıqqa úlken zıyan jetkeredi.

Isbilermenler ózleriniń hár bir háreketi ushın juwapkershilikti óz moynına alıwı shárt. Ekologiyaǵa keltirilip atırgan zıyandı materiallıq máp, mol dáramat penen aqlap bolmaydı. Bunday óndiristiń ekonomikalıq paydası úlken bolıwı múmkin, biraq xalıqtıń densawlıǵına zıyanı onnan da kóbirek tiyedi.
Sonıń menen birge, isbilermenler óz jumısın nızamlı hám qáwipsiz alıp barıwı ushın járdem kórsetiw zárúr. Ekologiya komitetine bir kún ishinde bul ıssıxanaǵa zamanagóy filtr ornatıw, sonday-aq, isbilermenler ushın seminar-trening hám filtrler sawda-kórgizbesin shólkemlestiriw wazıypası tapsırıldı.