Budapesht qalasına rásmiy saparı sheńberinde Oliy Majlis Senatınıń Baslıǵı Tanzila Norboeva Vengriya Prezidenti Tamash Shuyok penen ushırastı.

Óz-ara sóylesiwde eki mámleket arasındaǵı birge islesiwdiń sezilerli jedelleskeni hám doslıq qatnasıqlar strategiyalıq sheriklik dárejesine shekem artqanı atap ótildi.
Eki mámleket xalıqların bir-birine baylanıstırıp turatuǵın tariyxıy, dástúriy, mádeniy qádiriyatlardıń uqsaslıǵı mámleketleraralıq baylanıslardıń rawajlanıwında úlken áhmiyetke iye ekeni atap ótildi.
Tárepler ekonomikalıq birge islesiwdi keńeytiw, aymaqlararalıq hám mámleket isbilermen toparları arasındaǵı sawda baylanısların bunnan bılay da rawajlandırıw máselelerine de ayrıqsha itibar qarattı.
Sóylesiw waqtında 2026-jıl Ózbekstan hám Vengriya arasındaǵı mádeniyat, ilim hám innovaciyalar jılı dep járiyalanǵanı da atap ótilip, tárepler eki mámlekette bir qatar iri ilajlardı ótkeriw máseleleri boyınsha pikir alıstı.
Parlamentleraralıq qatnasıqlardı izbe-iz rawajlandırıp barıw hám mámleket basshıları dárejesinde erisilgen kelisimlerdi ámelge asırıw, óz-ara birge islesiwdi bunnan bılay da bekkemlew zárúr ekenligi atap ótildi.

ÓzA