Taxtakópir rayonında 3-dekabr – Xalıqaralıq mayıplar kúni múnásibeti menen sociallıq járdemge mútáj hám mayıplıǵı bolǵan puqaralar ushın bayram ilajı shólkemlestirildi.

Rayon hákimliginiń baslaması menen ótkerilgen bul ilajda qatnasıwshılarǵa húrmet-izzet kórsetilip, bayram dasturxanı jayıldı.
Ilajǵa rayon hákiminiń orınbasarı Sh.Bekturganov, Ózbekstan Mayıplar jámiyetiniń Qaraqalpaqstan Respublikası aymaqlıq bóliminiń baslıǵı P.Dáwletiyarova hám basqa da juwapkerler qatnastı. Onda shıǵıp sóylegenler barlıq qatnasıwshılardı bayram menen qutlıqlap, olarǵa bekkem densawlıq, shańaraqlarına tınıshlıq hám abadanlıq tiledi.
Bunnan soń, bir qatar imkaniyatı sheklengen puqaralarǵa bayram sawǵaları tapsırıldı.

Adilbay Orazov,
Qaraqalpaqstan xabar agentligi sholıwshı