CHernobılde wayran bolǵan energiya blogınıń diywallarında radiaciya menen azıqlanatuǵın qara zamarrıq tabıldı, dep xabar bermekte “Science Alert” ilimiy jurnalı.

Bul zamarrıq “Cladosporium sphaerospermum” dep ataladı hám ayırım ilimpazlardıń pikirinshe, onıń qarańǵı pigmenti – melanin ósimlikler fotosintez ushın jaqtılıqqa tayanatuǵın tárizde ionlastırıwshı nurlanıwdan paydalanıwǵa imkaniyat beredi, delinedi maqalada.
Basılımnıń maǵlıwmatlarına bola, ilimpazlar tikkeley nurlanıw dárejesi oǵada joqarı bolǵan aymaqlardan úlgiler jıynaǵan. Izertlewler sonı kórsetti, radiaciya tásirinde zamarrıq tek ǵana tiri qalıp qoymastan, al tezirek ósken.
Tiri tábiyattıń ádettegi reakciyasına sáykes kelmeytuǵın bul jaǵday tirishiliktiń basqa formaları ushın qáwipli sharayatlarda aman qalıwdı ańlatpaqta.
Bul processke radiosintez atı berilgen, biraq oniń tásir etiw mexanizmleri belgisiz bolip qalmaqta.
Oktyabr ayında “Daily Mail” basılımı Amerikanıń “Dogs of Chernobly” kommerciyalıq emes shólkemine súyenip, aymaqta ádettegidey emes kók reńdegi iytler tabılǵanı haqqında xabar bergen edi.

G.Sattorova, ÓzA