Shımbay rayonı hákimligi hám «Shımbay hawazı» gazetası redakciyası tárepinen «Mámleketlik til haqqında»ǵı Qaraqalpaqstan Respublikası Nızamınıń qabıl etilgenligine 36 jıl tolıwı múnásibeti menen ulıwma bilim beriw mektepleriniń muǵallimleri hám oqıwshıları arasında «Mártebeń bálent bolsın, ana tilim!» atamasındaǵı maqala, qısqa gúrriń hám poeziyalıq dѳretpeler tańlawı ótkerildi.

Tańlawǵa mektep muǵallimleri menen oqıwshılarınan 50 ge jaqın dѳretpeler kelip tústi. Tѳreshi aǵzaları tárepinen kelip túsken maqalalar dıqqat penen kѳrip shıǵılıp, olar múnásip túrde bahalandı.
Atap aytqanda, publicistikalıq maqalalar tańlawında 1-orındı rayonlıq 41-sanlı mekteptiń muǵallimi Roza Erejepova, sıylı 2-orındı 27-sanlı mekteptiń muǵallimi Gúlayım Dálekeeva hám «Bárkamal áwlad» balalar mektebi dѳgerek basshısı Shaxnoza Orazımbetova, al sıylı 3-orındı 49-sanlı mekteptiń muǵallimi Allayar Seyilbaev, 37-sanlı mekteptiń muǵallimi Gúlzada Genjeeva hám 8-sanlı mekteptiń muǵallimi Gáwhar Táńirbergenovalar iyeledi.
Al, mektep oqıwshıları arasında ótkerilgen qısqa gúrriń hám qosıqlar tańlawında 1-orındı 17-sanlı mekteptiń oqıwshısı Kamila Dáwletbaeva, 2-orındı 41-sanlı mektep oqıwshısı Anora Siypatdinova hám 43-sanlı mektep oqıwshısı Ramazan Muratbaev, al sıylı 3-orındı bolsa 49-sanlı mekteptiń oqıwshısı Shahrizada Baxtiyarova, 5-sanlı mekteptiń oqıwshısı Albina Rozımbaeva hám 31-mekteptiń oqıwshısı Biybixatsha Muratbekovalar iyeledi.
Sonday-aq, tańlawda belsene qatnasqanı ushın da bir qatar muǵallim hám oqıwshılar shólkemlestiriwshiler tárepinen Húrmet jarlıǵı menen sıylıqlandı.

Adilbay Orazov,
Qaraqalpaqstan xabar agentligi sholıwshı