Prezident Shavkat Mirziyoevtiń qatnasıwında Xalıq deputatları Jizzaq wálayatı Keńesiniń gezeksiz sessiyası bolıp ótpekte.

– Burın avtomobil qurılısı degende hámme tek Asakanı túsinetuǵın edi. Birge islesiwshilerimiz benen Jizzaqta da jılına 175 mıń avtomobil islep shıǵarıw quwatlılıqları jaratıldı, – dedi Prezidentimiz.
Jizzax politexnika institutınıń Injenerlik mektebi ashıldı. Bul jerde hár jılı 300 wálayat jasları dual bilimlendiriw tiykarında zamanagóy injener bolıp shıǵadı.
Bul institut Vengriyanıń belgili Abuda universitetiniń basqarıwına berilip, onda tek ǵana avtosanaat ushın emes, al elektrotexnika, transport, qurılıs materialları, awıl xojalıǵında injenerler, jasalma intellekt boyınsha qánigeler tayarlaw da jolǵa qoyılatuǵını atap ótildi.
Qısqa waqıtta Zomin, Forish, Arnasoy rayonları hám Jizzaq qalasında 2 milliard dollarlıq 500 den aslam turizm hám servis obektleri jumıs basladı. Arnasay hám Zominde 300 million dollar esabınan 12 ay dawamında tolıq isleytuǵın kurort zonaları iske qosılǵanı, olarda aeroportlar qurılǵanı nátiyjesinde Jizzaq eń tartımlı turistlik marshrutlardan birine aylandı.
Segiz jıl aldın Jizzaqtaǵı jumıs orınlarınıń 42 procenti awıl xojalıǵına tuwra kelgen bolsa, búgin 310 mıńǵa shamalas wálayat xalqı sanaat hám servis tarawlarında joqarı dáramatlı jumıslar menen bánt.

ÓzA