4-6-dekabr kúnleri Franciyanıń Orlean qalasında qılıshlasıwdıń sablya baǵdarı boyınsha Gran-pri turniri ótkeriledi.

Pútkil jer júziniń 43 mámleketinen 400 den aslam sportshılar bellesetuǵın bul abıraylı jarısta Ózbekstan saylandı komanda aǵzaları da qatnasadı. Áhmiyetli tárepi sonda, Ózbekstan saylandı komandasınıń quramında, respublikamız wákillerinen erler arasında Musa Aymuratov, Islambek Abdazov, Alpamıs Oraqbaev, hayal-qızlar arasında Zaynab Dayıbekova, Gúlistan Perdebaeva hám Nargiza Jaqsıbaevalar qatnasadı.

Adilbay Orazov,
Qaraqalpaqstan xabar agentligi sholıwshı