Tashkent qalasında ótkerilip atırǵan «Prezident Olimpiadası» sport jarıslarında keshe de sporttıń bir neshe túrleri boyınsha finallıq bellesiwler bolıp ótti.

Atap aytqanda, boks boyınsha qızlar arasında ótkerilgen finallıq bellesiwlerde respublikamız wákili Ulbosın Jalǵasbaeva Tashkent qalası sportshısın jeńip shıǵıp, altın medal iyesine aylandı.
Al, Gúlchexra Qoldasbaeva hám Ajar Nuraddinovalarǵa biraz áwmet hám tájiriybe jetispedi hám olar finalda jeńilip qalıp, gúmis medal menen sıylıqlandı.
Sonday-aq, keshe taekvondo WT boyınsha da final bellesiwlerinda jerlesimizden Maqset Ońǵarbaev gúmis, Ájiniyaz Ásenbaev, Feruza Ernazarova, Sevaris hám Gúlbanu Orınbaevalar qola medallarına miyasar boldı.
Sonı aytıp ótiwimiz kerek, bunnan aldın taekvondo WT túrinen ótkerilgen bellesiwlerde jerleslerimizden Rabboniya Ruslanova altın, Shaxzada Bazarbaeva hám Iskender Madreymovlar gúmis medaldı jeńip alǵan edi
Jas boksshilerimizdi bul jarısqa Salamat Alaxanov, Mir Bekbawliev, Alisher Madreymov, taekvando boyınsha Babur Atamuratov, Nizamatdin Dalibaev, Pamir Sultanov, Daniyar Bekbergenov, Aybek Abdullaev, Jalǵas Erjanovlar tayarladı.

Adilbay Orazov,
Qaraqalpaqstan xabar agentligi sholıwshı