ÓzLiDeP frakciyasınıń májilisinde kórip shıǵılǵan “2026-jıl ushın Ózbekstan Respublikasınıń Mámleketlik byudjeti haqqında”ǵı nızam joybarı qızǵın dodalawlarǵa sebep boldı.

Nızam joybarına bola, 2026-jılı konsolidaciyalasqan byudjet jetispewshiliginiń joqarı shegarası jalpı ishki ónimge salıstırǵanda 3 procent etip belgilenbekte.
Sonday-aq, Ózbekstan Respublikası atınan hám Ózbekstan Respublikasınıń kepilligi astında sırtqı qarızlardı tartıw boyınsha jıllıq qol qoyılatuǵın jańa kelisimlerdiń jámi sheklengen kólemi 5 milliard AQSh dolları, sonnan Mámleketlik byudjetti qollap-quwatlaw, sonıń ishinde, deficitti qarjılandırıw ushın 2,5 milliard jáne investiciyalıq joybarlardı qarjılandırıw ushın 2,5 milliard AQSh dolları muǵdarında belgilenbekte.
Bunnan tısqarı, mámleketlik qarız portfelin diversifikaciyalaw hám valyuta qáwip-qáterlerin azaytıw maqsetinde 2026-jıl ushın Ózbekstan Respublikası atınan shıǵarılatuǵın mámleketlik bahalı qaǵazlardıń sheklengen sap kólemi 30 trillion sum muǵdarında belgilenbekte.
Mámleket tárepinen minnetlemeler qabıl etiliwi (satıp alınıwı yamasa tóleniwi) hám mámleket tárepinen tastıyıqlaw xatları beriliwi talap etiletuǵın mámleketlik-jeke menshik sheriklik principleri tiykarında qol qoyılatuǵın barlıq jańa joybarlardıń bahasınıń sheklengen muǵdarı bolsa 6,5 milliard AQSh dolları muǵdarında belgilenbekte.
Salıq siyasatında ámeldegi salıq stavkaları ózgerissiz qalıwı aytıp ótildi. Deputatlar byudjet joybarı boyınsha ózleriniń pikir-usınısların bildirdi.
Sonday-aq, májiliste Prezidentimizdiń byurokratiyanı azaytıw máselelerine baǵıshlanǵan xalıqaralıq forumnıń ashılıw máresimindegi shıǵıp sóylegen

Muhtarama Komilova, ÓzA