Ózbekstan mámleketlik denetárbiyası hám sport universiteti Nókis filialında, 1-dekabr – Pútkil jer júzilik AIJSke qarsı gúresiw kúni kúni múnásibeti menen Ózbekstan Respublikası Prezidenti tárepinen «Xalıqtıń salamatlıǵın hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında»ǵı pármanınıń áhmiyetin keńnen túsindiriw maqsetinde, tiyisli taraw qánigeleriniń qatnasıwında studentler menen ushırasıw bolıp ótti.
Ilajda Qaraqalpaqstan Respublikası AIJSke qarsı gúresiw orayı shıpakeri V.Klichova, Qaraqalpaqstan Respublikası narkologiya dispanseri shıpakeri A.Jalilov hám filialdıń profilaktika inspektorı, kapitan R.Ismaylovlar studentlerge Prezident Pármanınıń áhmiyeti, náshebentlik zatlardıń insan salamatlıǵına, jámiyet hám mámleket keleshegine unamsız tásiri, onıń awır aqıbetleri, bunnan tısqarı, narkojınayatshılıqqa qarsı gúresiwdiń huqıqıy tiykarları hám minnetlemeleri haqqında hár tárepleme túsinikler berildi.
Sonıń menen birge, AIJS keselliginiń respublikamız jasları arasında jıldan-jılǵa kóbeyip atırǵanı oǵada qáwetlerli jaǵday ekenligi aytıp ótilip, bul keselliktiń aldın alıw ushın hár bir adam jeke gigiena qaǵıydalarına qatań itibar qaratıw zárúrligine toqtaldı.
Ilaj dawamında studentler ózlerin qızıqtırǵan sorawlarǵa tiyisli taraw qánigelerinen juwaplar aldı.

Qaraqalpaqstan xabar agentligi