Kegeyli rayonında 1-dekabr – Qaraqalpaq tiline mámleketlik til biyligi berilgeniniń 36 jıllıǵı múnásibeti menen bayram ilajı shólkemlestirildi.

Ilajǵa rayon hákimligi, túrli taraw hám shólkemlerdiń basshıları, nuraniylar, hayal-qızlar, jaslar hám bilimlendiriw mákemeleriniń wákilleri qatnastı.
Ilajdıń ashılıwında rayon hákimi orınbasarı Aydos Tóremuratov shıǵıp sóylep, barlıq qatnasıwshılardı qaraqalpaq tiline mámleketlik til biyligi berilgeniniń 36 jıllıq sánesi menen qızǵın qutlıqladı.
Ol óziniń shıǵıp sóylegen sózinde til hár bir xalıqtıń tariyxıy miyrası, mádeniyatı hám ádebiyatı, mámleketlik siyasatında eń áhmiyetli xızmet atqaratuǵının, dúnyada bar mıńlaǵan tiller arasında tek ǵana bir neshe júzine mámleketlik til biyligi berilgenin hám qaraqalpaq tili de usı tiller qatarınan orın alǵanın atap ótti.
Bayram ilajı rayonlıq kórkem óner xızmetkerleri tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi