Prezident administraciyasında kúsh strukturaları basshıları menen jumısshı májilis ótkerildi. Bul haqqında Prezident Administraciyası basshısı Saida Mirziyoeva xabar berdi.

Bul májiliste náshebentlik zatlardıń sawdası hám shólkemlesken jınayatshılıqqa qarsı gúresiw qatań hám turaqlı qadaǵalawdı talap etetuǵın áhmiyetli másele ekeni atap ótildi.
Kúsh strukturaları basshıları menen jumısshı májilis sheńberinde narkojınayatshılıq, jınayıy toparlar hám nızamsız qural-jaraq aylanısına qarsı gúresiw boyınsha muwapıqlastırılǵan nátiyjeli sistemanı qısqa múddette jaratıw wazıypası qoyıldı.
“Jámiyette, birinshi gezekte jaslar arasında náshebentlik zatlardıń tarqalıwına jol qoymaw, jas áwladtı náshebentlik bálesinen saqlaw hám puqaralardıń qáwipsizligin támiyinlew mámlekettiń tikkeley minneti bolıp esaplanadı. Bul baǵdardaǵı hár qanday nızamsız háreketlerge qatań túrde shek qoyılıwı shárt,” – Prezident Administraciyasınıń basshısı Saida Mirziyoeva,- dep málimleme beredi xs.uz saytı.

Qaraqalpaqstan xabar agentligi