Elimizde ekologiyalıq turaqlılıqtı bekkemlew, salamat hám qolaylı ortalıq jaratıw jáne jasıl aymaqlardı keńeytiwge qaratılǵan izbe-iz reformalar procesinde házirgi waqıtta “Jasıl mákan” ulıwma xalıqlıq ilajı ayrıqsha orın iyelep, Prezidentimizdiń iygilikli baslaması elimiz boylap ekologiyalıq sananı arttırıw, tábiyattı qorǵaw mádeniyatın rawajlandırıw hám xalıqtıń belsendiligin arttırıwǵa xızmet etpekte.

“Jasıl mákan” háreketi studentler hám keń jámiyetshilikti birlestirip, ekologiyalıq juwapkershilik hám birge islesiw ruwxın bekkemlemekte.
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentleri de filial basshıları hám professor-oqıtıwshılarınıń qatnasıwında “Jasıl mákan” ulıwmaxalıqlıq háreketi ideyaları menen únles halda óz jumısın alıp barıp, “Teleoray” MPJ aymaǵına barıp, abadanlastırıw hám kóklemzarlastırıw jumısların ámelge asırdı.
Olar atızlardı tazalap, terek nállerin ekti.

Qaraqalpaqstan xabar agentligi