Ayırım pesticidler rak penen baylanısqanı haqqında anıq dáliller bar. Sol sebepli, pesticidtiń zıyanlı tásirinen qorǵanıw ushın xalıqqa zárúr usınıslardı jetkeriw kerek.

Sonıń ishinde, jeke qorǵanıw qurallarınan paydalanıw, pesticidlerdi durıs saqlaw hám utilizaciyalaw, miywe hám ovoщlardı tazalap juwıp jew maqsetke muwapıq.
Senattıń Ilim, bilimlendiriw hám densawlıqtı saqlaw máseleleri komitetinde ótkerilgen májiliste bul haqqında sóz boldı.
Komitet baslıǵınıń orınbasarı Oral Ataniyazova basqarǵan májiliste pesticidlerdiń túrleri, qollanılıwı hám milliy normativlik bazası, pesticidlerdiń insan salamatlıǵına tásiri, qorshaǵan ortalıq hám azıq-awqat ónimlerinde monitoring etiw sıyaqlı máseleler dodalandı.
Pesticidlerdiń insan salamatlıǵına tásir etiw jolları (suw, azıq-awqat arqalı, pesticidlerdi qollanıw procesinde, ıdıs hám konteynerler arqalı hám t.b.), onıń aqıbetinde kelip shıǵatuǵın kesellikler, olarǵa qarsı gúresiw boyınsha sırt el tájiriybesi kórip shıǵıldı.
Ilaj juwmaǵında pesticidlerdiń insan salamatlıǵına unamsız tásiriniń aldın alıwǵa qaratılǵan usınıslar islep shıǵıldı.

N.Abduraimova,
ÓzA