Házirgi waqıtta 9-dekabr – Xalıqaralıq korrupciyaǵa qarsı gúresiw kúni múnásibeti menen elimizde “Korrupciyaǵa qarsı gúresiw hápteligi” ótkerilmekte.

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da filialdıń professor-oqıtıwshıları hám xızmetkerleriniń qatnasıwında usı háptelik sheńberinde “Ashıq esikler kúni” ilajı ótkerildi.
Ilajda filial direktorı A.Esimbetov, Ózbekstan Respublikası Bas prokuraturası janındaǵı ekonomikalıq jınayatlarǵa qarsı gúresiw departamenti Qaraqalpaqstan Respublikası basqarmasınıń bólim baslıǵı A.Qdırniyazov hám basqalar shıǵıp sóylep, korrupciyaǵa qarsı gúresiw boyınsha ámeliy usınıslar berildi.
Tiykarǵı itibar bilimlendiriw tarawında ashıq-aydınlıqtı támiyinlew, professor-oqıtıwshılar hám xızmetkerler arasında juwapkershilikti arttırıw máselelerine qaratıldı. Professor-oqıtıwshılar korrupciyanıń bilimlendiriw procesine tásiri boyınsha pikir alısıp, studentler menen xızmetkerlerge huqıqıy normalardıń áhmiyeti, ámeliyatta korrupciyanıń aldın alıw boyınsha nátiyjeli ilajlar haqqında túsinikler berildi.

Qaraqalpaqstan xabar agentligi