Huqıqıy qatnas

Bizge belgili, Ózbekstan Respublikasında kripto-aktivlerdi satıp alıw hám satıw jumısı belgilengen tártipte ámelge asırıladı.
Bul boyınsha Tashkent mámleketlik yuridikalıq universitetiniń oqıtıwshısı Sabohat Abdullaeva tómendegilerdi málim etti.
– Kripto-aktivler menen baylanıslı processlerdi ámelge asırıw ushın fizikalıq hám yuridikalıq tárepler kripto-birja yamasa kripto-dúkan xızmetlerinen paydalanıwı múmkin. Bul jumıstı ámelge asırıw ushın kripto-birja yamasa kripto-dúkán menen shártnama dúziw, shaxstı identifikaciyalaw, kripto-birjada kripto-aktivler sawdaların ámelge asırıw qaǵıydaların ámelge asırıw kerek.
Sonday-aq, Ádillik ministrligi tárepinen 2022-jıl 15-avgustta dizimnen ótkerilgen hám Kripto-dúkán jumısın ámelge asırıw qaǵıydaları jáne 31-oktyabrde dizimnen ótkerilgen talaplarǵa ámel etiw kerek.
Sonıń menen birge, kripto-aktivler menen islesiw tek ǵana Ózbekstan Respublikası aymaǵında jumıs alıp barıp atırǵan licenziyalanǵan shólkemler arqalı ámelge asırılıwı múmkin. Licenziyaǵa iye bolmaǵan maydanlar arqalı kripto-aktivler menen sawda etiw nızamsız jumıs sıpatında bahalanıwı múmkin.
Kripto-aktivler menen baylanıslı jumısta qáwipsizlik hám nızamshılıqqa ámel etiw hár bir qatnasıwshı ushın áhmiyetli esaplanadı.

ÓzA