Elimizde bilimlendiriw sistemasın kompleksli rawajlandırıw, maman kadrlar tayarlaw, mektepke shekemgi bilimlendiriw sistemasın aldınǵı sırt el tájiriybeleri tiykarında jańa basqıshqa alıp shıǵıw baǵdarında keń kólemli jumıslar ámelge asırılmaqta.

Atap aytqanda, mektep bilimlendiriwin rawajlandırıw ulıwma milliy háreketke aylandı. Sońǵı jeti jılda 5 mıńnan aslam mektepte qurılıs hám ońlaw jumısları orınlandı. Jaslarǵa ekinshi shet tili hám kásip úyretiw keńeytildi. Sonıń menen birge, búgingi kúnde jeke menshik mekteplerdiń sanı 4,5 esege artqan.
Sonıń ishinde, Ózbekstanda 2024-2025-oqıw jılı basında jumıs alıp barıp atırǵan ulıwma orta bilimlendiriw shólkemleriniń sanı 10 mıń 943 ti quraǵan. Olardıń 455 i mámleketlik emes ulıwma bilimlendiriw shólkemleri bolıp, 2020-2021-oqıw jılına salıstırǵanda 4,5 esege kóbeygen.
Milliy statistika komitetiniń maǵlıwmatına bola, aymaqlar kesiminde mámleketlik emes ulıwma bilim beriw shólkemleriniń sanı tómendegishe:
Qaraqalpaqstan Respublikasında – 7,
Ándijan wálayatında – 32,
Buxara wálayatında – 27,
Jizzaq wálayatında – 8;
Qashqadárya wálayatında – 21;
Nawayı wálayatında – 4;
Namangan wálayatında – 28;
Samarqand wálayatında – 38;
Surxandárya wálayatında – 4;
Sırdárya wálayatında – 12;
Tashkent wálayatında – 25;
Ferǵana wálayatında – 93;
Xorezm wálayatında – 25;
Tashkent qalasında – 131 dana.

Gulnoza Boboeva, ÓzA