Ózbekstan sırtqı sawda sistemasında sońǵı jıllarda baqlanǵan ósiw dinamikası usı jılı da dawam etpekte. Milliy statistika komitetiniń maǵlıwmatlarına bola, mámlekettiń eksportı tek ǵana kólem emes, al geografiyalıq jaqtan da keńeyip, tiykarǵı birge islesiwshi mámleketler menen sawda baylanısları turaqlılasıp barmaqta. 2025-jıldıń yanvar-oktyabr ayları ushın atap ótilgen kórsetkishler Ózbekstan ónimlerine sırtqı bazarlarda talap artqanın kórsetti.

Usı jıldıń yanvar-oktyabr aylarında Ózbekstannıń sırtqı sawda aylanısında eksport kólemi 29 milliard AQSh dolların quradı.
Bul kórsetkish ótken jıldıń usı dáwirine salıstırǵanda 27,8 procentke joqarı.
Statistikalıq maǵlıwmatlar mámlekettiń sırtqı sawdasında eksport úlesi turaqlı ósiw tendenciyasın kórsetip atırǵanın kórsetedi. Bul dáwirde Ózbekstan tovar hám xızmetleri ushın tiykarǵı bazar sıpatında bir qatar iri birge islesiwshiler qatnasqan.
Eksportta joqarı úleske iye bolǵan TOP-10 mámleket (AQSh dollarında):
Rossiya – 3,6 milliard dollar;
Qıtay – 1,6 milliard dollar;
Qazaqstan – 1,2 milliard dollar;
Awǵanstan – 1,2 milliard dollar;
Túrkiya – 942,4 million dollar;
Franciya – 774,3 million dollar;
BAÁ – 610,8 million dollar;
Qırǵızstan – 491,5 million dollar;
Tájikstan – 470,9 million dollar;
Pakistan – 319,7 million dollar.
Tallawlarǵa bola, Rossiya Ózbekstan eksportında eń úlken úleske iye mámleket sıpatında qalmaqta. Sonday-aq, Qıtay hám Qazaqstan sıyaqlı qońsı hám strategiyalıq sherik mámleketler de joqarı poziciyanı saqlap tur.
Eksport kóleminiń ósiwi mámleket ónimlerine talaptı kúsheytkeni hám sırtqı bazarlarda básekige shıdamlılıq jáne de artqanın kórsetedi.

Hamroz Bayanov,
ÓzA