Oliy Majlis Nızamshılıq palatasınıń Spikeri Nuriddin Ismoilov Yaponiya Xirosima prefekturası assambleyasınıń baslıǵı Takashi Nakamoto basshılıǵındaǵı delegaciyanı qabılladı.

Ushırasıwda Ózbekstan – Yaponiya parlamentleri arasındaǵı birge islesiw máseleleri dodalandı.
Sóylesiwde Nızamshılıq palatasınıń Spikeri miyman tárepke jańa redakciyadaǵı Konstituciya hám “Ózbekstan – 2030” strategiyası sheńberinde mámleketimizde ámelge asırılıp atırǵan keń kólemli reformalar, palatanıń strukturalıq dúzilisi haqqında maǵlıwmat berdi.
Óz gezeginde, T.Nakamoto shın júrekten qabıllaǵanı ushın minnetdarshılıq bildirip, Ózbekstan Yaponiya ushın isenimli strategiyalıq sherik ekenin atap ótti. Keyingi jıllarda mámlekette ámelge asırılıp atırǵan keń kólemli reformalardı joqarı bahaladı.
Onıń pikirinshe, búgingi kúnde jańa Ózbekstan artqa qaytpaytuǵın demokratiyalıq reformalar hám pragmatikalıq sırtqı siyasat jolınan isenimli qádem taslap, dúnya jámiyetshiligi menen ashıq-aydın hám jedel sóylesiw alıp barmaqta.
Delegaciya basshısı, sonday-aq, 2024-jılı Xirosimada Ózbekstannıń húrmetli konsulı tayınlanǵanı óz-ara sawda-ekonomikalıq hám mádeniy-gumanitarlıq birge islesiwdi jáne de rawajlandırıwǵa keń imkaniyat jaratqanın bildirdi.
Sóylesiw waqtında eki tárepleme qatnasıqlardı bunnan bılay da rawajlandırıw hám aymaqlararalıq birge islesiw baylanısların bekkemlew zárúr ekenligi atap ótildi.

M.Komilova,
ÓzA