Ózbekstan Respublikası Prezidentiniń “Mayıplıǵı bolǵan balalarǵa sociallıq xızmet hám járdem kórsetiw sistemasın bunnan bılay da jetilistiriw boyınsha qosımsha ilajlar haqqında”ǵı qararı tiykarında, Kegeyli rayonı Júzimbaǵ APJ aymaǵında jáne bir «Kúndizgi kútim» xızmeti iske tústi.

Bundaǵı tiykarǵı maqset imkaniyatı sheklengen balalarǵa sociallıq ortalıq jaratıw hám olardıń ata-analarınıń óz bántligin támiyinlewge járdem beriw bolıp esaplandı. Házirgi waqıtta bul toparǵa basqarma janında jumıs alıp barıp atırǵan Psixologiyalıq-medicinalıq-pedagogikalıq komissiyanıń juwmaǵı tiykarında 7 bala qamtılıp, 3 puqara jumıs penen támiyinlendi.
Xızmettiń tiykarǵı maqseti – «Kámbaǵallıqtan abadanlıqqa qaray» baǵdarlamasınıń orınlanıwın támiyinlew, sonday-aq, shańaraqlardıń miynet penen shuǵıllanıwına tosqınlıq etiwshi faktorlardı azaytıw hám balalardıń shańaraq ortalıǵında tárbiyalanıwına imkaniyat jaratıw bolıp esaplanadı.
Jańadan ashılǵan bul tárbiya ornı Kegeyli rayonı «Insan» sociallıq xızmetler orayı menen birgelikte jeke tártiptegi isbilermen Dinara Eseeva tárepinen shólkemlestirildi.

Adilbay Orazov,
Qaraqalpaqstan xabar agentligi sholıwshı