Házirgi kúnleri Buxara qalasındaǵı «Universal» sport sarayında dzyudo boyınsha eresekler arasındaǵı Ózbekstan chempionatı bolıp ótpekte.

Keshe jarıstıń ekinshi kúni erler -73, -81, hayal-qızlar -63 hám -70 kg salmaq kategoriyalarında tatamige shıǵıp, jeńimpazlıq ushın óz-ara bellesiwge tústi.
Qızıqlı ótken jarıs juwmaǵında, -81kg salmaq kategoriyasında bellesiwlerge kirisken respublikamız wákili Tolqın Achilov finalǵa shekem jetip keldi hám finalda nawayılı Zulfiddin Usmanovqa jeńilip qaldı.
Solay etip usı ótken eki kún ishinde respublikamız dzyudoshıları bir qola hám bir gúmis medalın qolǵa kirgiziwge miyasar boldı.
Jarıs ele dawam etpekte.

Adilbay Orazov,
Qaraqalpaqstan xabar agentligi sholıwshısı