Mámleketimizde “Jasıl mákan” ulıwma milliy joybarı sheńberinde “Jasıl mákan,” “Jasıl belbew”ler shólkemlestiriw, ekologiyalıq qorshaǵan ortalıqtı qorǵawǵa úlken áhmiyet qaratılıp, bul baǵdardaǵı ilajlar shólkemleskenlik penen ótkerip kelinbekte.

Atap aytqanda, Qaraqalpaqstan Respublikası prokuraturasınıń baslaması menen Nókis qalasınıń “Ata mákan” máhállesinde 1 gektardan aslam paydalanılmay turǵan jer maydanı ózlestirilip, egislik jaǵdayǵa alıp kelindi.
Bul jer maydanına nál egiw procesinde Qaraqalpaqstan Respublikası prokurorı Sh.Aminovtıń basshılıǵında nuranıylar, belsendi jaslar qatnasıp, 300 túpten aslam miyweli hám sayamanlı terek nálleri egildi.
Álbette, joybardan gózlengen maqset ekologiyanı jaqsılaw, jasıl aymaqlardı keńeytiw hám xalıqtıń tábiyatqa bolǵan múnásibetin jáne qorshaǵan ortalıqtı jaqsılaw hám ekologiyalıq turaqlılıqtı támiyinlew, respublikamız aymaqlarında jasıl maydanlardı kóbeytiw, xalıqtı ekologiyalıq mádeniyatqa shaqırıwdan ibarat.

Qaraqalpaqstan xabar agentligi