Puqara P.M «Chevrolet Tacuma» markalı avtotransport quralın basqarıp, Nókis qalası aymaǵındaǵı Beruniy kóshesinde tezlikti normadan arttırǵanı nátiyjesinde «NEXIA-3» markalı avtomashina menen soqlıǵısıp ketedi.

Júz bergen avtoavariya nátiyjesinde usı avtomashinaǵa 23,2 million sum materiallıq zıyan jetkergen. Usı zıyandı óndiriw haqqında jınayat isleri boyınsha Nókis qalalıq sudı tárepinen 2025-jıldıń 29-sentyabrinde sheshiwshi qarar qabıl etilgen.
Sud qararına tiykar Májbúriy orınlaw byurosı Shomanay rayonlıq bóliminiń mámleketlik orınlawshıları tárepinen orınlaw háreketine kirisilgen.
Atap aytqanda, qarızdarǵa 15 kúnlik múddet ishinde sud qararınıń orınlanıwı támiyinleniwi kerek ekenligi, bolmasa qarızdarlıqqa qosımsha tólemler qollanılıwı, sonday-aq, hákimshilik járiymaǵa tartılıwı múmkinligi haqqında túsinik jumısları alıp barılǵan. Nátiyjede jábirleniwshi byuronıń Shomanay rayonlıq bólimine bıyılǵı jıldıń 10-noyabr kúni kelip, jetkerilgen 23,2 million sumnan aslam materiallıq zıyan tolıǵı menen qaplanǵanın bildirgen.

Qaraqalpaqstan xabar agentligi