Házirgi kúnleri Tashkent qalasında sporttıń bir neshe túrleri boyınsha jas óspirimler arasında «Prezident Olimpiadası» jarısları bolıp ótpekte.

Quwanıshlı tárepi sonda, awır atletika boyınsha ótkerilgen bellesiwlerde erler arasında jerlesimiz, Taqıyatas sport mektebiniń tárbiyalanıwshısı Ómirbek Mırzabaev 55 kg salmaq kategoriyasında dás kóteriwde 98, silkip kóteriwde 118 kg nátiyje kórsetip, gúmis medal iyesine aylandı.
Bul úmitli sportshımızdı jarısqa Merey Belasarov tayarladı.
Jarıslar dawam etpekte.

Adilbay Orazov,
Qaraqalpaqstan xabar agentligi sholıwshısı