Ózbekstan hám Tájikstan mámleketleri basshılarınıń ashıq hám isenimli sóylesiwi strategiyalıq sheriklikti tereńlestiriw hám bekkemlewge, eki tárepleme qatnasıqlardı ámeliy mazmun menen bayıtıwǵa xızmet etpekte.

Bul Ózbekstan Senatınıń Baslıǵı Tanzila Norboevanıń Tájikstan Respublikasınıń Ayrıqsha hám tolıq huqıqlı elshisi Abdujabbor Rahmonzoda menen ushırasıwında atap ótildi.
Óz-ara sóylesiwde eki mámleket arasındaǵı birge islesiwdiń búgingi jaǵdayı kórip shıǵıldı. Sawda-ekonomikalıq, transport, energetika, bilimlendiriw hám mádeniy-gumanitarlıq tarawlarda baqlanıp atırǵan unamlı dinamika atap ótildi.
Ushırasıwda keńeyip baratırǵan parlamentleraralıq birge islesiw máselelerine de itibar qaratıldı. Oraylıq Aziya jetekshi hayal-qızlarınıń sóylesiwi sheńberindegi baylanıslardıń jedelleskeni hám bul baǵdardaǵı imkaniyatlar dodalandı.
Ushırasıw juwmaǵında Ózbekstandaǵı diplomatiyalıq missiyasın juwmaqlap atırǵan elshiniń konstruktivlik birge islesiwi ushın minnetdarshılıq bildirildi.

N.Abduraimova, ÓzA