Keshe Tashkent qalasında «Prezident Olimpiadası» sport jarıslarınıń birinshi kúninen orın alǵan bellesiwler óz juwmaǵına jetti.

Kórkem gimnastika, erkin gúres hám awır atletika boyınsha ótkerilgen jarıslar juwmaǵında, jeńimpazlar anıqlanǵan bolsa, boks hám suw sportı boyınsha bellesiwlerde tańlap alıw basqıshları ótkerildi.
Qızıqlı ótken jarıslarda respublikamızdıń jasları da belsene qatnasıp, awır atletika boyınsha ótkerilgen jarısta 49 kg salmaqta qaraqalpaqstanlı Shaxzada Nurıllaeva gúmis medaldı jeńip alıwǵa miyasar boldı.
Óz gezeginde, sportshımızdı hám onıń treneri Ómirbay Máwlenovtı qolǵa kirgizgen úlken tabısı menen qutlıqlaymız.

Adilbay Orazov,
Qaraqalpaqstan xabar agentligi sholıwshısı