Shomanay rayonındaǵı Nawrız mákan puqaralar jıyını aymaǵında xalıqtıń azıq-awqat ónimlerinen záhárleniwi – botulizm keselliginiń, ayrıqsha jaǵdaylardıń aldın alıw baǵdarında arnawlı-taktikalıq oqıw-shınıǵıwı shólkemlestirildi.

Onda tiyisli qánigeler tárepinen azıq-awqat ónimlerinen záhárleniwdiń eń awır túri esaplanǵan botulizm keselligi anıqlanǵan orında usı keselliktiń tarqalıwı menen baylanıslı bolǵan ayrıqsha jaǵdaylardıń aldın alıw, zárúr sanitariyalıq ilajlardı shólkemlestiriw boyınsha tiyisli uyımlardıń óz-ara birgeliktegi háreketleri ámeliyatta kórsetip berildi.
Oqıw-shınıǵıwın ótkeriwden tiykarǵı maqset – xalıqtıń azıq-awqat ónimlerinen záhárleniwi menen baylanıslı kelip shıǵıwı múmkin bolǵan ayrıqsha jaǵdaylardıń aldın alıw bolıp esaplanadı.
Sonday-aq, bunday qáwipli jaǵdaylardıń aldın alıwda hár bir puqaranıń sergekligi hám juwapkershiligi áhmiyetli. Azıq-awqat ónimlerin tańlawda abaylı bolıw, sanitariyalıq qaǵıydalarǵa ámel etiw hám qáweterli jaǵdaylarda arnawlı qánigelerge múrájat etiw – ózimiz hám jaqınlarımızdıń densawlıǵın saqlawdıń eń durıs jolı esaplanadı.
Maǵlıwmat ushın, fotosúwretlerdegi kórinisler oqıw shınıǵıwı sheńberinde saxnalastırılǵan bolıp, ondaǵı shaxslar haqıyqıy nawqaslar emes.

Qaraqalpaqstan xabar agentligi