Taqıyatas rayonında Qaraqalpaqstan Respublikasında birinshi bolıp miywe nálleriniń jańa sortların selekciyalaw hám ósiriwge qánigelesken “Invintro” laboratoriyası óz jumısın basladı.

Laboratoriyanıń tiykarǵı maqseti – viruslar, bakteriyalar hám basqa da keselliklerden jıraq, joqarı ónimdarlı hám jergilikli klimat sharayatlarına sáykes miywe nál sortların jaratıw jáne olardı keń jámiyetshilikke jetkeriw bolıp esaplanadı. Ilimiy tiykarda alıp barılatuǵın selekciya hám klonal nál ósiriw texnologiyaları járdeminde xalıqqa hám diyqanlarǵa sapalı, salamat nállerdi tayarlaw támiyinlenedi.
“Invintro” laboratoriyası jergilikli baǵshılıqtı rawajlandırıw, miywe ónimin kóbeytiw hám agrar tarawdıń turaqlılıǵın bekkemlewge xızmet etedi. Laboratoriya arqalı alınǵan náller basqa rayonlardaǵı fermerlerge, qıytaq jer iyeleri menen jergilikli diyqan xojalıqlarına jetkerip beriledi.

Qaraqalpaqstan xabar agentligi