Oliy Majlis Nızamshılıq palatasınıń Byudjet hám ekonomikalıq máseleler komiteti tárepinen “2026-jıl ushın Ózbekstan Respublikasınıń Mámleketlik byudjeti haqqında”ǵı nızam joybarın dodalawǵa baǵıshlanǵan májilis ótkerildi.

Onda xalıq wákilleri nızam joybarınıń Oliy Majlis Nızamshılıq palatasınıń Reglamentine hám Byudjet kodeksiniń talaplarına muwapıq kirgizilgenine ayrıqsha itibar qarattı.
Atap ótilgenindey, joybarda Ózbekstan Respublikasınıń konsolidaciyalasqan byudjeti, sonıń ishinde, Mámleketlik byudjet, mámleketlik maqsetli qorlar hám byudjet shólkemleriniń byudjetten tısqarı qorları, Ózbekstan Respublikasınıń Tikleniw hám rawajlanıw qorınıń parametrleri, sonday-aq, Mámleketlik qarızdıń hám mámleketlik-jeke menshik sheriklik joybarlarınıń jáne konsolidaciyalasqan byudjet jetispewshiliginiń sheklengen kólemleri belgilengen.
Bunnan tısqarı, Ózbekstan Respublikası konsolidaciyalasqan byudjetiniń dáramatları hám qárejetleri jáne uzaq múddetli fiskal maqsetler hám olarǵa erisiw ushın salıq hám byudjet siyasatınıń orta múddetli kórsetkishleri boyınsha deputatlar óz pikir-usınısların bildirdi.
Joybarda názerde tutılǵan salıq hám byudjet siyasatınıń tiykarǵı baǵdarları jámiyettiń rawajlanıwına, isbilermenlik subektleriniń jáne de artıwına xızmet etedi.
Joybar koncepciyasın dodalaw dawam etpekte.

M.Komilova, ÓzA