Jaslar isleri agentligi tárepinen tiyisli taraw hám shólkem basshılarınıń qatnasıwında onlayn tárizindegi ashıq pikirlesiw shólkemlestirilip, oǵan Nókis qalasındaǵı Jaslar orayındaǵı studiyadan respublikamız jasları da qatnastı.

Ushırasıwda jaslardıń tárbiyasına sociallıq tarmaqlardıń tásiri, unamlı kontentti kóbeytiw hám blogerlik mádeniyatın qáliplestiriw máseleleri hár tárepleme dodalandı.
Sóylesiw dawamında 30 dan aslam usınıs hám baslamalar tıńlandı. Olardı ámeliyatqa engiziw boyınsha anıq rejeler islep shıǵılıp, sociallıq tarmaqlar arqalı kelgen usınıslar da tiyisli juwapkerlerge biriktirildi.
Bunday ushırasıwlar – jaslardıń pikiri qádirleniwi, olardıń dóretiwshilik ideyaları menen baslamaların qollap-quwatlaw baǵdarında úlken imkaniyat jaratpaqta.
Ilaj dawamında jaslar ózleriniń pikir-usınısların bildirip, qızıqtırǵan sorawlarına juwap aldı.

Qaraqalpaqstan xabar agentligi