Mámleketlik uyımlar hám shólkemlerde insan resursların basqarıw sistemasın nátiyjeli shólkemlestiriw, xızmetkerlerge bolǵan talaptı anıqlaw hám strategiyalıq tiykarlanǵan jıllıq kadrlar rejelerin islep shıǵıw boyınsha kompleksli ilajlar ámelge asırılmaqta.

Milliy basqarıw sistemasında Germaniya xalıqaralıq birge islesiw jámiyetiniń (GIZ) “Nátiyjeli basqarıw” baǵdarlaması sheńberinde “Insan resursların strategiyalıq rejelestiriw” mexanizmleri basqıshpa-basqısh engizilmekte. Sonıń ishinde, 23 ministrlik hám uyımda kadrlardı rejelestiriw usılları engizildi.
Joybar sheńberinde Prezident Administraciyası, Prezident janındaǵı Basqarıw nátiyjeliligi, Strategiyalıq rawajlanıw hám reformalar agentlikleri juwapkerlerinen ibarat delegaciya ushın Franciyada stajirovka baǵdarlaması shólkemlestirildi.
Baǵdarlama dawamında delegaciya SIGMA hám OECD shólkemleriniń wákilleri menen ushırasıw, mámleketlik xızmette insan resursların strategiyalıq basqarıw, kadrlardı meritokratiyalıq tiykarda tańlaw, jumısshı kúshin bahalaw hám xoshametlew sıyaqlı tájiriybeler menen tanısıw názerde tutılǵan.
Franciyanıń mámleketlik basqarıw hám xızmet boyınsha bas direktoratı hám Franciya mámleketlik xızmeti milliy institutı menen ushırasıwlar shólkemlestiriledi. Onda mámleketlik xızmetkerlerdiń potencialın arttırıw, sanlı texnologiyalardan nátiyjeli paydalanıw hám basqarıw nátiyjeliligin jáne de jaqsılaw máseleleri dodalanadı.
Maǵlıwmat ushın: bul baǵdarlama Ózbekstanda insan resursların strategiyalıq rejelestiriw tarawında aldınǵı tájiriybelerdi engiziw, kadrlar siyasatın zamanagóylestiriw hám mámleketlik xızmet nátiyjeliligin arttırıw maqsetinde shólkemlestirilgen.

N.Abduraimova, ÓzA