Qaraqalpaqstan Respublikası Bajıxana basqarmasında Ádillik ministrligi xızmetkerleriniń qatnasıwında oqıw-sabaǵı ótkerildi.

Onda kontrafakt ónimlerdi anıqlaw, jasırın ekonomikanıń aldın alıw hám birge islesiwdi kúsheytiw máseleleri dodalandı. Kontrafakt tovarlardıń xalıqqa hám ekonomikaǵa zıyanlı tásiri túsindirilip, bunday ónimlerdi alıp kiriwge qarsı birgelikte gúresiw usınıs etildi.
Sonday-aq, korrupciyaǵa qarsı gúresiw máseleleri de dodalanıp, onıń unamsız aqıbetleri, yaǵnıy huqıq ústinligine zıyan jetkeriwi, insan huqıqlarınıń buzılıwı, ekonomikanıń rawajlanıwına tosqınlıq etiwi hám mámleketlik byudjetke zıyan jetkeriwi atap ótildi.
Korrupciyaǵa baylanıslı jınayatlarǵa talan-taraj etiw, aldawshılıq, para alıw, beriw, lawazım wákilliginen paydalanıw, jınayıy dáramatlardı legallastırıw sıyaqlı Ózbekstan Respublikası Jınayat kodeksiniń tiyisli statyalarında jınayıy juwapkershilik kórsetilgen jaǵdaylar kiredi.
Qatnasıwshılar qánigelerden ózlerin qızıqtırǵan sorawlarǵa juwap aldı.

Qaraqalpaqstan xabar agentligi