Qaraqalpaqstan Respublikası prokurorı Sh.Aminov Ózbekstan Respublikası Ishki isler ministrligi janındaǵı JOD Altınshı regionallıq aymaq 2-sanlı tergew qamaqxanasında bolıp, tergew qamaqxanasında nızamshılıqqa ámel etiw jaǵdayı menen tanıstı.

Úyreniwde, qamaqqa alınǵan shaxslar hám xojalıq jumıslarına qaldırılǵan qamaqtaǵılar menen birme-bir sáwbetlesip, 12 qamaqtaǵı shaxstıń múrájatları tıńlandı, 5 shaxstıń múrájatı ornında sheshildi sonday-aq, olarǵa jaratılǵan hár bir sharayat – bul mámleketimizdiń huqıqıy qúdireti, adamgershilik hám ádillik principlerine súyeniwiniń ayqın kórinisi ekeni atap ótildi.

Mákemede jaratılǵan sharayatlar menen jaqınnan tanısıp, olardıń huqıqıy, medicinalıq, materiallıq hám turmıslıq támiynatı, qamaqqa alınǵanlardı saqlawda nızamlarǵa ámel etiliwi jaǵdayı úyrenildi.

Qaraqalpaqstan xabar agentligi