Búgingi kúnde mámleketimizde Birlesken Milletler Shólkeminiń Turaqlı rawajlanıw maqsetleri sheńberinde bir qatar jumıslar ámelge asırılmaqta. Sonıń ishinde, suw resurslarınan aqılǵa uǵras paydalanıw, olardı qorǵaw, pataslanıwınıń aldın alıw, aqaba suwlardı qáwipsiz tárizde qayta paydalanıw kólemin arttırıw, 2030-jılǵa shekem hámme ushın turaq jay kommunallıq xızmetlerden paydalanıw imkaniyatın támiyinlew sıyaqlı baǵdarlarda bir qatar nátiyjeli háreketler jolǵa qoyılǵan.

Bul baǵdardaǵı jumıslar Oliy Majlis Nızamshılıq palatası Isbilermenlik, básekini rawajlandırıw hám sanaat máseleleri komitetiniń keńeytilgen májilisinde hár tárepleme dodalandı. Onda Qurılıs hám turaq jay kommunal xojalıǵı ministrliginiń “BMShtıń Turaqlı rawajlanıw maqsetlerin izbe-iz ámelge asırıw boyınsha tarawda sistemalı jumıslardı shólkemlestiriw jáne 2030-jılǵa shekemgi dáwirde turaqlı rawajlanıw tarawındaǵı milliy maqset hám wazıypalardıń orınlanıwı boyınsha alıp barılıp atırǵan jumıslar haqqında”ǵı málimlemesi tıńlandı.
Atap ótilgenindey, 21,8 mıń kilometrden aslam ishimlik hám aqaba suw tarmaqları jáne 2 mıń 851 obekt qurılıp, paydalanıwǵa tapsırılǵan. Xalıqaralıq finans institutlarınıń qarjıları esabınan jámi 1 594,1 km. ishimlik suwı hám 329,8 km. aqaba suw tarmaqları hám obektlerin qurıw jumısları ámelge asırılǵan. Házirgi kúnge shekem 117 qala, 302 qalashanıń bas rejeleri hám 1 mıń 664 awıllıq elatlı punkttiń qala qurılısı hújjetleri islep shıǵılǵan.
Sonday-aq, 2030-jılǵa shekem hár jılı ortasha 5 mıńnan aslam kóp kvartiralı turaq jaylar aǵımdaǵı hám iri ońlanadı.
Májiliste ishimlik hám aqaba suw tarmaqların keńeytiw, olardı modernizaciyalawdı jedellestiriw, qalalar hám elatlı punktlerde jasıl aymaqlar, dem alıw baǵları, balalar ushın oyın maydanshaların keńeytiw, kóp kvartiralı turaq jaylardı óz waqtında ońlaw boyınsha pikir alısıldı.

Muhtarama Komilova, ÓzA